നല്ലെഴുത്ത് സുനിൽ പി. മതിലകം ADHYAPAKAKKOOTTAM

അധ്യാപകക്കൂട്ടം മലയാളം

സുനിൽ പി. മതിലകത്തിന്‍റെ നല്ലെഴുത്ത് തുടരുന്നു. 12 മുതല്‍ 15 വരെ ഭാഗങ്ങള്‍ ഈ പേജില്‍ ലഭ്യമാണ്.

അധ്യാപകക്കൂട്ടം ബ്ലോഗില്‍  USS,UP മലയാളം,അധ്യാപകക്കൂട്ടം എല്‍.എസ്സ്.എസ്സ്  പഠനസഹായി,HS മലയാളം, എന്നീ LABAL കളില്‍

 1 മുതല്‍ 11 വരെയുള്ള എഴുത്തുകള്‍ ലഭ്യമാണ്.

നല്ലെഴുത്ത്-12

# സുനിൽ പി. മതിലകം

🔏

ഉത്തരവാദിത്വം

∆

ഉത്തരവാദിത്തം എന്ന് അച്ചടിക്കുന്നതും എഴുതുന്നതും കാണാം. 

ലളിതമായ ഒരു നിയമം ഓർത്തിരുന്നാൽ ഈ തെറ്റായ പദം ഉപയോഗിക്കുന്നത് ഒഴിവാക്കാം. 

സംസ്കൃത ശബ്ദങ്ങളോട് ത്വം

എന്നും മലയാള ശബ്ദങ്ങളോട് ത്തം എന്നും ചേർക്കണമെന്നാണ് ഭാഷാനയം.

ഉത്തരവാദി എന്നതൊരു സംസ്കൃതത്സമമാണ്. അതിനോട് ത്വം എന്ന സംസ്കൃതപ്രത്യയമേ ചേരു. ഉത്തരവാദിത്വ

മാണ് ശരി (ഉത്തര +വാദി + ത്വം )

അടിമത്തം, കോമാളിത്തം, വിഡ്ഢിത്തം, പോഴത്തം 

എന്നും

മനുഷ്യത്വം സ്ത്രീത്വം, സമത്വം, യുവത്വം എന്നും

ശുദ്ധരൂപങ്ങൾ തന്നെ.

 നല്ലെഴുത്ത്-13

കൈയൊപ്പ്

∆

കൈയ്യൊപ്പ് എന്നും കൈയ്യും എന്നെല്ലാം എഴുതുകയും അച്ചടിക്കുകയും ചെയ്യുന്നത് ശരിയെന്ന മട്ടിൽ പ്രചരിച്ചു കൊണ്ടിരിക്കുന്നു.

ക് എന്ന വർണ്ണത്തോട് ഐ എന്ന സ്വരം ചേർന്നുണ്ടാകുന്ന അക്ഷരമാണ് കൈ അതിനോട് ഒപ്പ് ചേരുമ്പോൾ യകാരം ഇരിട്ടിക്കേണ്ടതില്ല.

കൈയൊപ്പ് എന്നു മതി.

( കൈയടി, കൈയാല, കൈയുറ, കൈയെഴുത്ത്, കൈയേറ്റം എന്നിവ മറ്റു ഉദാഹരണ രൂപങ്ങൾ )

ഐ കാരം ചേർന്നു കഴിഞ്ഞാൽ യ കാരത്തിന് ദ്വിത്വം വരില്ല എന്ന സാമാന്യ നിയമമാണ് ഇവിടെ പാലിക്കേണ്ടത്.

✒️

സഹായ ഗ്രന്ഥം : പദശുദ്ധി കോശം

നല്ലെഴുത്ത്-14

ചെമപ്പ്

∆ 

ചുവപ്പ്, ചുമപ്പ്, ചുകപ്പ്, ചൊവപ്പ്, ചൊമപ്പ്, ചൊകപ്പ്, ചോപ്പ് ... എന്നിങ്ങനെ പല രൂപങ്ങൾ വായിക്കുകയും എഴുതുകയും ചെയ്യാറുണ്ട്.

എന്നാൽ ഇതിൽ ഏതാണ് ശരിയായ വാക്ക് ?

ചെമപ്പ് ശരി.

രക്തവർണ്ണത്തെ കുറിക്കുന്നതിന് ചെം എന്നതിന് ചെമന്ന നിറമാകുക എന്നാണർത്ഥം. അതിൽനിന്നുണ്ടാകുന്ന നാമം ചെമപ്പ് എന്നാവാനേ ന്യായമുള്ളൂ. വിശേഷണമായി ചെമന്ന എന്നും ക്രിയമായി ചെമക്കുക

എന്നും ആകും.

(ചെം + താമര = ചെന്താമര, ചെം + കല്ല് = ചെങ്കല്ല്, ചെം + കൊടി = ചെങ്കൊടി, ചെം തളിർ = ചെന്തളിൽ )

✒️ നല്ലെഴുത്ത്-15

പ്രചരണം - പ്രചാരണം

∆

പ്രചരണവും പ്രചാരണവും രണ്ടിന്റെയും അർത്ഥം ഒന്നെന്നമട്ടിൽ നമ്മൾ യഥേഷ്ടം ഉപയോഗിച്ചു വരുന്നു.

പ്രചരണം = പ്രചരിക്കൽ

പ്രചാരണം = പ്രചരിപ്പിക്കൽ

പ്രചരണം സ്വമേധയാ വ്യാപിക്കലാണ്. അവിടെ മറ്റൊരാളുടെ ഇടപെടൽ ഇല്ല.

പ്രചാരണം - അവിടെ മറ്റൊരാളുടെ ഇടപെടൽ ഉണ്ട്.

ഇലക്ഷൻ പ്രചരണം അല്ല , ഇലക്ഷൻ പ്രചാരണം എന്നായാലേ ശരിയാകു.

പ്രചരണയോഗമല്ല, പ്രചാരണയോഗമാണ്.

ആശയപ്രചരണമല്ല,

ആശയപ്രചാരണമാണ്.

✒️

സഹായ ഗ്രന്ഥം : പദശുദ്ധി കോശം