ചോദ്യങ്ങൾ പലത് ഉത്തരം ഒന്ന് കോട്ടയം/Adhyapakakkoottam

അധ്യാപകക്കൂട്ടം എൽ.എസ്.എസ് പഠന സഹായി

ചോദ്യങ്ങൾ പലത് ഉത്തരം ഒന്ന്

കോട്ടയം

1,റബ്ബർ ഏറ്റവും കൂടുതൽ ഉത്പാദിപ്പിക്കുന്ന ജില്ല ?

2.സമുദ്രതീരം ഇല്ലാത്തതും കേരളത്തിലെ ജില്ലകളുമായി മാത്രം അതിർത്തി പങ്കിടുന്നതുമായ ജില്ല ?

3. ഇന്ത്യയിലെ ആദ്യത്തെ പുകയില വിമുക്ത ജില്ല ?

4.മൂന്ന്  L -കളുടെ (Lakes, Latex, Letters) നാട് ?

5.സമ്പൂർണ്ണ സാന്ത്വന പരിചരണ ജില്ല എന്ന നേട്ടം കൈവരിച്ച ജില്ല ?

6.2011 സെൻസസ് പ്രകാരം കേരളത്തിൽ സാക്ഷരതയിൽ ഒന്നാം സ്ഥാനത്തുള്ള (97.21 %) ജില്ല ?

7.അയിത്തത്തിനെതിരെ ഇന്ത്യയിൽ നടന്ന ആദ്യ സംഘടിത സമരമായ വൈക്കം സത്യാഗ്രഹം നടന്ന ജില്ല ?

8.ബെഞ്ചമിൻ ബയ്ലി (1921) കേരളത്തിൽ മലയാളം അച്ചടിക്കുന്ന ആദ്യത്തെ പ്രസ് സ്ഥാപിച്ചത് എവിടെ ?

9.മലയാളത്തിൽ ആദ്യമായിബൈബിൾ പ്രസിദ്ധീകരിച്ചത് എവിടെയാണ് ?

10. ഇന്ത്യയിലെ ആദ്യത്തെ ഉൾനാടൻ തുറമുഖമായ നാട്ടകം എവിടെയാണ് ?

11.ചുമർചിത്ര നഗരമായി പ്രഖ്യാപിക്കപ്പെട്ട കേരളത്തിലെ ആദ്യത്തെ നഗരം ?

12.വിശുദ്ധയായി പ്രഖ്യാപിക്കപ്പെട്ട ആദ്യ ഇന്ത്യൻ വനിതയായ അൽഫോൻസാമ്മയുടെ ജന്മദേശം?

13.ഒരു വ്യക്തിയുടെ പേരിൽ അറിയപ്പെടുന്ന കേരളത്തിലെ ആദ്യ സർവ്വകലാശാലയായമഹാത്മാഗാന്ധി സർവകലാശാല എവിടെയാണ് ?

14.കേരളത്തിലെ ആദ്യത്തെ എയർകണ്ടീഷൻഡ് അംഗണവാടി സ്ഥാപിച്ചത് (ഏറ്റുമാനൂർ ) എവിടെയാണ് ?

15. എസ്.ടി.ഡി. സംവിധാനത്തിലൂടെ സംസ്ഥാന തലസ്ഥാനവുമായി ബന്ധിക്കപ്പെട്ട ആദ്യ ജില്ലാ ആസ്ഥാനം ?

16.ഏറ്റവും കൂടുതൽ ദൂരം പൊതുമരാമത്ത് റോഡുകൾ ഉള്ള ജില്ല ?

17.കേരളത്തിലെ ആദ്യത്തെ ദേശീയ സിനിമ പഠന കേന്ദ്ര മായ ,കെ . ആർ നാരായണൻ നാഷണൽ ഇൻസ്റ്റ്യൂട്ട് ഓഫ് വിഷ്വൽ സയൻസ് (പുതുപ്പള്ളി ) എവിടെയാണ് ?

18.ഏറ്റവും കൂടുതൽ പ്രവാസി മലയാളികൾ ഉള്ള മുൻസിപ്പാലിറ്റി ?

19. അക്ഷരനഗരം എന്നറിയപ്പെടുന്നത് ?

20.കുമരകം പക്ഷി സങ്കേതം ഏത് ജില്ലയിലാണ് ?

21.ലോകത്തിലെ ഏറ്റവും ചെറിയ പശുവിനമായ വെച്ചൂർ പശുവിന്റെ ജന്മദേശം (വൈക്കത്തെ വെച്ചൂർ ഗ്രാമമാണ്) എവിടെ?

22.കേരളത്തിൽ ആദ്യമായി ഒരു സർക്കാർ ആശുപത്രിയിൽ ഹൃദയ ശസ്ത്രക്രിയ നടത്തിയമെഡിക്കൽ കോളേജ്  എവിടെ ?

23.മീനച്ചിലാറിന്റെ തീരത്ത് സ്ഥിതി ചെയ്യുന്ന ജില്ല ?

24.മലയാളത്തിൽ ഏറ്റവും കൂടുതൽ നോവൽ എഴുതിയ മുട്ടത്ത് വർക്കിയുടെ ജന്മദേശം?

25കെ ആർ നാരായണൻ ജനിച്ച ഉഴവൂർ ഏത് ജില്ലയാണ് ?

26. കേരള ഫോറസ്റ്റ്ഡെവലപ്മെൻറ് കോർപ്പറേഷൻ ആസ്ഥാനം ?

27.സാഹിത്യപ്രവർത്തക സഹകരണ സംഘത്തിന്റെ ആസ്ഥാനം ?

28,കായിക പരിശീലനത്തിന് സ്ഥാപിച്ച ഇന്ത്യൻ ഒളിമ്പിക് അക്കാദമി (മരങ്ങാട്ടുപള്ളി ) ഏത് ജില്ലയിലാണ് ?

29, റബ്ബർ റിസർച്ച് ഇൻസ്റ്റ്യൂട്ട് എവിടെയാണ് ?

30.വഞ്ചിപ്പാട്ട് പ്രസ്ഥാനത്തിന്റെ ഉപജ്ഞാതാവായ രാമപുരത്ത് വാര്യർ ജനിച്ച ജില്ല ?

31.കേന്ദ്ര സാഹിത്യ അക്കാദമിയുടെ ഫെലോഷിപ്പ് നേടിയ ആദ്യ മലയാളിയായ വൈക്കം മുഹമ്മദ് ബഷീർ ജനിച്ച ജില്ല ?

തയ്യാറാക്കിയത്

അമ്പിളി ജയകുമാർ

ഗവ.എൽ.പി. എസ്.

നെട്ടയം , വെളിയം.

കൊല്ലം .